Mbuloni enët që të mbroheni nga shejtani
Ka thënë Profeti alejhi selam:
“ Mbuloni enët dhe shishet, mbylleni derën dhe fikeni zjarrin, sepse shejtani nuk mund ta hapë enën, as shishen dhe as derën! E nëse dikush nga ju nuk gjen me çarë të mbulojë enën, atëherë le të vendosë mbi të një shkop dhe të thotë; bismilah.”
Muslimi
Dhe në një përcjellje tjetër të të njëjtit hadith thuhet:
“…sepse çdo vit në një natë të tij zbret sëmundje, e cila sa herë që kalon në një enë apo shishe të pambuluar, hyn në të.”
Dobitë e hadithit:
Ka thënë Sujuti se dijetarët kanë përmendur dobi të rëndësishme nga ky hadith, ndër to:
1. Mbrojtja nga shejtani, sepse ai nuk e hap enën dhe shishen e mbyllur.
2. Mbrojtja nga sëmundjet që zbresin në një natë të vitit.
3. Mbrojtja nga papastërtitë që mund të hyjnë në enë.
4. Mbrojtja nga insektet.