Aromaterapia është një përdorim terapeutik i vajrave thelbësor (të koncentruar, ekstrakte të bimëve aromatike) për të promovuar relaksimin dhe për të ndihmuar në lehtësimin e simptomave të ndryshme të gjendjeve të ndryshme në trupin e njeriut.
Ka shumë përdorime të regjistruara të vajrave bimorë në kulturat e lashta për qëllime mjekësore, kozmetike dhe fetare. Në shekullin e 10-të, mjeku arab i njohur Avicena përshkroi një metodë të distilimit të bimëve, edhe pse ka prova se distilimi i vajrave bimorë mund të ketë qenë përdorur edhe në kohët e mëparshme,e cila gjë theksohet edhe në shkrimin e mëposhtëm.
Pasi dihet se sistemi i nuhatjes është një sistem shumë i ndërlikuar dhe ka 20 deri 30 milion qeliza që ndihmojnë përçimin e aromave nëpër të gjithë sistemet e trupit por në veçanti të sistemit nervor, mund të shihet se sa kanë rëndësi aromat në jetën e këtij planeti e në veçanti edhe të vetë njeriut, halifes së Allahut azze we xhel në tokë. Jo rrallë herë edhe në Kur’anin fisnik flitet për aromat e bukura dhe të këndshme të Xhenetit dhe sikur se na bëhet me dije se duhet të jemi edhe këtu afër me ato aroma për të arritur qetësine dhe rehatinë e paktë në këtë tokë.
Edhe i Dërguari i Allahut s.a.v.s kishte thënë një herë: “Nga dynjaja më janë bërë të dashura tre gjëra: “parfumi (aroma e mirë), gratë dhe gëzimi i syve të mi është në namaz”.
Por, edhe në Univers ekzistojnë galaktika të cilat i përngjajnë kësaj lule të bukur dhe shumë të dashur te njerëzit. Ndoshta ka edhe këtu sekrete të cilat as që mundemi të paramendojmë se çka?!